Siste nytt frå Dagupan, Filippinane

De har sikkert sett på nyhendene dei siste vekene at vèret ikkje har vore særleg bra i Asia. Filippinane og byen Dagupan, som me besøkte i sommar, har også blitt hardt ramma av dette uvèret. Fleire tyfonar har herja, noko som har forårsaka flaum. Dette har dessverre ramma hardast dei som bur i slummen. Vatnet har vore heilt opp til brystkassen på dei som bur der, og folket i slummen har mista fleire av eigendelane sine.

Heldigvis fekk 300 menneska frå slummen lov til å bu nokre dagar i gymsalen på Universitetet i byen. Sjølv om det berre var tribunane som var tørre her, var dette eit langt betre alternativ enn å bu på gata.


Dei 20 skuleborna frå slummen som me besøkte i sommar, har dessverre også mista skulematerialet sitt som me kjøpte til dei. Meldingane frå misjonærane i Ungdom i Oppdrag Dagupan kan heldigvis fortelja oss at borna har det etter forholda bra. No er det viktig at dei kjem seg raskt tilbake på skulen. Til det treng dei nytt utstyr.

Dei som arbeider i Ungdom i Oppdrag har fått ein god avtale med ein butikk som sel skulemateriale. Kjøper dei skulemateriale i løpet av denne veka, får dei 20% rabatt på alle varene. Me vil vera med å hjelpa til med dette, i same sleng ynskjer me spørja deg om du vil bli med å støtta desse borna.

Ynskjer du å vera med på dette, kostar det 115 NOK for ein unge. Du kan setja pengar inn på kontonr. 3520.61.21627. Fristen er innan onsdag, 21. oktober.



Tidlegare har me også fortalt at det er mogeleg å ”adoptera” ein av desse skuleborna med ein årleg sum på 460 NOK. Det er framleis mogeleg. Er du interessert i å bli med på det, er det berre å ta kontakt med ein av oss, så får du tilsendt bilete og informasjon om ditt fadderbarn. Du kan også gå inn på denne internettsida http://ywam-gideons-sponsorship.blogspot.com/feeds/posts/default og sjå bilete av dei 20 skuleborna. Dersom du vil støtta ein av desse borna, kan du velja deg ut ein eller fleire av desse borna.

Halloen!

No er det ei stund sidan me var i Filippinane, men me tenkjer fortsatt ofte på det me fekk vera med på der. Noko av det som gjorde mest inntrykk på turen, var å møta skuleungar frå slummen som me fekk dela ut skuleuniformar til og sponsa eit år med skulegong. Takk til dåke alle som var med og gav pengar til dette!

Kvart år prøver Ungdom i Oppdrag i Dagupan å samla inn pengar til desse ungane slik at dei kan få gå på skule. Dersom du ynskjer å vera med å støtte dette prosjektet, kan du få lov til å "adoptere" ein unge slik at det kan bli meir stabilitet i arbeidet. Då kan ein ung fjerdeklassing vita at neste års skulegong blir ein realitet!

For å støtte skulegong og skuleuniform med tilbehør for ein elev, kostar det 460 kr i året (prisen kan endra seg litt dei komande åra) . Viss du ynskjer å "adoptera" ein skuleelev eller fleire, vil du få informasjon om personen (ane) det gjeld + bilete. Dersom du kunne tenkja deg å vera med på dette prosjektet, kan du ta kontakt med Ingrid eller Liv Bodil.

For å bryta fattigdomsirkelen for dei som veks opp i slummen, er skulegong alfa og omega for å få seg ein bra jobb. Viss ikkje endar dei mest sannsynleg opp med å bu i slummen, sjølv når dei blir vaksne. Håpar du ynskjer å vera på dette, og på den måten sikra skulegongen for nokre av slumborna i Dagupan :-)